மன்னிக்கும் கிறிஸ்து. The Forgiving Christ . (The second Sunday in Lent) தொடக்க நூல் 4 : 8- 16. தூய மாற்கு 2:1-12. திருப்பாடல் 25. உரோமையர் 5: 6-11.

முன்னுரை:

தேசிய மன்னிப்பு நாள் (National Sorry Day), 1905-ஆம் ஆண்டு முதல் ஆஸாதிரேலியா நாட்டின் சட்டப்படி,  ஆஸ்திரேலி யாவின்பழங்குடி மக்களின் குழந்தைகளை, ஐரோப்பிய பண்பாட்டு (European Culture) முறையில் வளர்த்ததை, 1998-ஆம் ஆண்டில் ஆஸ்திரேலியா அரசு செய்த மாபெரும் தவறு உலகிற்கு தெரிய வந்தால் பழங்குடி மக்களிடம், வெள்ளை இன ஆஸ்திரேலியர்கள், ஆண்டுதோறும் மே மாதம் 26ஆம் நாளன்று மன்னிப்பு கேட்கும் நாளாக 1998 முதல் கடைபிடிக்கப்படுகிறார்கள.

    மனித உரிமைகளை (Human Rights) உலகெங்கும் வலியுறுத்தவும் பாது காக்கவும் ஏற்படுத்தப்பட்ட ஒர் இலாப நோக்கற்ற அமைப்பே சர்வதேச மன்னிப்பு சபை அல்லது பன்னாட்டு மன்னிப்பு அவை (Amnesty International) ஆகும். இவ்வமைப்பானது ஐக்கிய இராச்சியத்தில் UNO 1961 ஆம் ஆண்டு ஆரம்பிக் கப்பட்டது. மற்றும் உலகளாவிய மன்னிப்பு தினம் 1994 இல் CECA (கிறிஸ்துவின் தூதர்) ஆல் நிறுவப்பட்டது. இது முதலில் கனடாவிலேயே தொடங்கியது. இதனைத் தொடர்ந்து உலகளவில் பிரபலமடைந்ததால், இது உலகளாவிய மன்னிப்பு தினம் என மறு பெயரிடப்பட்டது.

மன்னிப்பு என்றால் என்ன?

மன்னிப்பு என்பது ஒருவர் தவறு செய்தால் அந்தத் தவறுக்காகப் பாதிக்கப் பட்டவரிடம் கேட்பது மன்னிப்பாகும். அதே போல் பாதிக்கப்பட்டவர் அதனைப் பெரிதுபடுத்தாமல் தவறிழைத்தவருக்கு வழங்குவதும் மன்னிப்பாகும். Forgiveneess is a two way aspects. நாம் மன்னிப்பது குற்றவாளியின் நலனுக்காக அல்ல, நமக்காக என்பதை புரிந்துகொள்வது மிகவும் முக்கியம். அதாவது மனக்கசப்பு மற்றும் மனவேதனையின் பெரும் சுமையிலிருந்து விடுபட மன்னிப்பு உதவுகின்றது. தவறு செய்வது மனித இயல்பு. "To Err is human to forgive is divine " மன்னிக்க தெரிந்த மாபெறும் உள்ளம் மாணிக்க கோவில் என்பர்.

மன்னிக்கத் தெரியாத மக்கள் பெரும்பாலும் கோபம், (anger) விரக்தி(depression) மற்றும் வெறுப்பு (hatred) ஆகியவற்றால் நிறைந்திருக்கிறார்கள். எனவே இவற்றிருந்து விடுபட மன்னிப்பானது மிக மிக அவசியமாகும்.கோபம் கொள்ளும்போது மனப்பதட்டம் அதிகரிக் கின்றது, இதய நோய், நீரிழிவு நோய், மனச்சோர்வு போன்ற பல நோய் களுக்கும் காரணமாக அமைகின்றது.உங்கள் இளமையும் அழகும் பாதிக்கபாபடுகிறது. மன்னிக்கும் திறன் மன அழுத்தம், பதட்டம், மனச்சோர்வு ஆகியவற்றைக் கணிசமாகக் குறைக்கிறது. இந்த உலகில் சந்தோஷமாகவும் நீடிய நாட்கள் உயிர் வாழவும் மன்னிக்க கற்றுக்கொள்ள வேண்டும். " Forgiveness is the gateway to the Kingdom of God". மன்னிப்பு பெற்றால் மட்டுமே இறையரசில் பங்கு பெறமுடியும். இதற்காகவே நாம் திருவிருந்தில் பங்கு பெற்று மன்னிப்பு பெறுகிறோம்.

வேதத்தில் முதன் முதலாக மன்னிப்பு என்ற வார்த்தை விடுதலைப் பயணம் 9:27,28ல்

27 பார்வோன் ஆளனுப்பி மோசேயையும் ஆரோனை யும் கூப்பிட்டான். அவன் அவர்களை நோக்கி, "நான் இம்முறை பாவம் செய்து விட்டேன். ஆண்டவரே நீதியுள்ளவர். நானும் என் மக்களுமே தீயவர். 28.எனவே ஆண்டவரிடம் மன்றாடுங்கள். இடிமுழக் கங்களையும் கல்மழை யையும் கடவுள் அனுப்பியது போதும்; நான் உங்களைப் போக விடுவேன். இனிமேல் நீங்கள் தங்கவே வேண்டாம்" என்றான். இப்படி முதன் முறையாக மன்னிப்பு கேட்ட மாமனிதன் பாரோதான். (Pharaoh) முதன்முதலாக மன்னிப்பு கேட்க வேண்டியவர்கள் ஆதாம், ஏவாள்தான்‌‌. அவர்கள் மற்றவர்களை தன் தவறுகளுக்கு குற்றம் சாட்டினர். அதனால்தான் அவர்களின் மகனான காயின் தன் உடன் பிறந்த சகோதரனை (ஆபேல்) பொறாமையால் கொன்று போட்டார். ( தொடக்க நூல் 4: 8-16)

இயேசு கிறிஸ்துவின் பாவமன்னிப்பு:  பாவிகளை ரட்சிக்கவே இயேசு கிறிஸ்து உலகில் தோன்றினார். ஒரு நாள் பேதுரு  இயேசுவிடம் போய், “எஜமானே, எனக்கு விரோதமாக என் சகோதரன் பாவம் செய்தால் நான் எத்தனை தடவை அவனை மன்னிக்க வேண்டும்? ஏழு தடவையா?” என்று கேட்கிறார். பொதுவாக மதத் தலைவர்கள் சிலர் மூன்று தடவை மன்னித்தால் போதும் என்று கற்பித்தார்கள். அதனால், ஒரு சகோதரனை “ஏழு தடவை” மன்னிப்பது போதுமா என பேதுரு ஆண்டவரிடம் கேட்கிறார் (மத்தேயு 18:21,22.) இயேசு ஒருவர் எத்தனை தடவை தவறு செய்தார்கள் என்று கணக்கு வைத்துக் கொள்ளும்படி இயேசு கற்பிக்கவில்லை.  அவர், “ஏழு தடவை அல்ல, 77 தடவை என்று நான் உனக்குச் சொல்கிறேன்” என்று சொல்லி பேதுருவைத் திருத்துகிறார். வேறு வார்த்தைகளில் சொன்னால், கணக்கு வழக்கில்லாமல் மற்றவர்களை மன்னிக்க வேண்டும் என்றுதான் இயேசு சொல்கிறார். தன் சகோதரனை இத்தனை தடவைதான் மன்னிக்க வேண்டும் என்று பேதுரு கணக்குப் பார்க்கக் கூடாது.

Christ healing the paralytic at Capernaum by Bernhard Rode 1780.

மாற்கு 2:1-12

 சில நாள்களுக்குப்பின் இயேசு மீண்டும் கப்பர்நாகுமுக்குச் சென்றார். அவர் வீட்டில் இருக்கிறார் என்னும் செய்தி காட்டுத்தீப்போல் ஊர் முழுவதும் பரவிற்று. 

அதனால் பலர் வந்து கூடவே, வீட்டு வாயிலரு கிலும் இடமில்லாமல் போயி ற்று. அவர் அவர்களுக்கு இறைவார்த்தையை எடுத்து ரைத்துக் கொண்டி ருந்தார். 

அப்போது முடக்குவாத            ( Paralytic) முற்ற ஒருவரை நால்வர் சுமந்து அவரிடம் கொண்டுவந்தனர். 

மக்கள் திரண்டிருந்த காரணத்தால் அவரை இயேசுவுக்கு முன் கொண்டு வர இயலவில்லை. எனவே அவர் இருந்த இடத்திற்கு மேலே வீட்டின் கூரையை உடைத்துத் திறப்பு உண்டாக்கி, முடக்குவாத முற்றவரைப் படுக்கையோடு கீழே இறக்கினர். இயேசு அவர்களுடைய நம்பிக்கை யைக் கண்டு, முடக்குவாத முற்றவரிடம், "மகனே, உன் பாவங்கள்மன்னிக்கப்பட்டன" என்றார். உடனே அங்கே அமர்ந்திருந்த மறைநூல் அறிஞர் சிலர், "இவன் ஏன் இப்படிப் பேசுகிறான்? என்று ஆண்டவர்மீது குற்றம் சாட்டினர். "The fault finders will find faults even in Paradise "

நல்லதுக்கெள்ளாம் குற்றம் கான்பதே இவர்கள் செயல். மண்ணுலகில் பாவங்களை மன்னிக்க மானிட மகனுக்கு அதிகாரம் உண்டு என்பதை நீங்கள் அறிந்துகொள்ள வேண்டும்" என்றார். பின்பு அவர் முடக்குவாத முற்றவரை நோக்கி,  "நான் உனக்குச் சொல்கிறேன், நீ எழுந்து உன்னுடைய படுக்கையை எடுத்துக் கொண்டு உனது வீட்டுக்குப் போ" என்றார். இங்கு நாம் காண்பது அந்த நண்பர் களின் கூட்டுமுயற்சி, நம்பிக்கை, மற்றும் தன் நண்பனுக்கு உதவிசெய்ய வேண்டும் என்ற நல் லெண்ணம். இயேசு சரிர (physical) சுகம் மட்டும் தரவில்லை; மன்னிப்பு என்ற ஆன்மீக சுகத்தையும் (Spiritual) தருகிறார். ஆண்டவரின் நோக்கமே "நேர்மையாளரை அல்ல, பாவிகளையே மனம்மாற அழைக்க வந்தேன்’ என்று இயேசு அறிவித்தார். (மத்தேயு 9 12-13). ஒரு பாவமும் செய்யாமல், நன்மையையே செய்யத் தக்க நீதிமான் பூமியி லில்லை” என்று பிரசங்கி 7:20 கூறுகிறது. “நமக்குப் பாவமில்லையென்போமானால் நம்மை நாமே வஞ்சிக் கிறவர்களாய் இருப்போம், சத்தியம் நமக்குள் இராது” என்று 1 யோவான் 1:8 கூறுகிறது. நாம் அடைய இருந்த பாவத்தின் தண்டனையாகிய மரணத்தை இயேசு தம்மேல் எடுத்துக்கொண்டு சிலுவையில் மரித்தார்! “நாம் அவருக்குள் தேவனுடைய நீதியாகும் படிக்கு, பாவம் அறியாத அவரை நமக்காகப் பாவமாக்கினார்” என 2 கொரிந்தியர்5:21.கூறுகிறது.இயேசு "நம்முடைய பாவங்களை நிவிர்த்தி செய்கிற கிருபாதாரபலி (Grace of Sacrifice) அவரே; நம்முடைய பாவங்களை மாத்திரம் அல்ல, சர்வலோ கத்தின் பாவங்களையும் நிவிர்த்திசெய்கிற பலியாயிருக்கிறார்” என்று 1 யோவான் 2:2 எடுத்துரைக் கிறது. உரோமையர் 6:8ல் , 'நாம் பாவிகளாய் இருந்தபோதே கிறிஸ்து நமக்காகத் தம் உயிரைக் கொடுத்தார். இவ்வாறு கடவுள் நம்மீதுகொண்டுள்ள தம் அன்பை எடுத்துக் காட்டியுள்ளார். அன்பானவர்களே கடவுள் நம்மை ஏன் மன்னிக்க வேண்டும் கடவுள் நம் மீது வைத்திருக்கின்ற அன்பி னாலே நம்முடைய பாவங் களை மன்னிக் கின்றார். 

கடவுளின் அன்பே மன்னிப்பு:

யோவான் 3 : 16ல் " தம் ஒரே மகன் மீது நம்பிக்கை கொள்ளும் எவரும் அழியாமல் நிலைவாழ்வு பெறும் பொருட்டு அந்த மகனையே அளிக்கும் அளவுக்குக் கடவுள் உலகின் மேல் அன்பு கூர்ந்தார்." இயேசுவின் அன்பு மன்னிக்கிற அன்பாக இருக்கிறது. விவிலியத்தில் வரக்கூடிய பல்வேறு நிகழ்வுகள் அவருடைய மன்னிக்கும் அன்புக்குச் சான்றாக இருக்கின்றன. தன்னைச் சிலுவையில் அறைந்து சித்ரவதை செய்தவர்களுக்காக தந்தையிடம் ‘தந்தையே இவர்களை மன்னியும்’ என்று சொல்லி சிலுவையில் விண்ணப்பம் செய்வதன் மூலம், இயேசு தன்னுடைய  மன்னிக்கும் அன்பினை வெளிப் படுத்துகிறார். தன் சகோதரனை அல்லது சகோதரியை, சக மனிதர் களை மன்னிக்காதவர்களை கடவுள் மன்னிக்கமாட்டார் என்று இயேசு கற்பித்தார். நம் ஆண்டவர் கற்றுத்தந்த விண்ணப்பத்தில் எங்கள் கடன்காரர்களுக்கு நாங்கள் மன்னிக்கிறோம். அதனால் கடவுளே எங்களுக்கு மன்னியும் என்று கேட்கச் சொன்னார். நாம் மன்னிக்கிறவர்களாக இருக்க வேண்டும் என்று கடவுள் விரும்புகிறார்.

அன்பானவர்களே! மார்ட்டின் லூதர் கிங் கூறவதுபோல "நாம் மன்னிக்கும் திறனை வளர்த்து அதை தக்கவை த்துக் கொள்ள வேண்டும். மன்னிக்கும் ஆற்றல் இல்லாதவன் அன்பு செய்யும் ஆற்றல் இல்லாதவன். அன்புள்ள இதயம் தவறுகளை மன்னிக்க செய்யும் மறக்கவும் செய்யும்.நாம் யாரை மன்னித்தோமோ அவர்களே நம் மீது அதிக அன்பு கூறுவார்கள் என்பது உண்மை. ஒருவர் செய்யும் குற்றத்தை மனதார மன்னிப்பதுதான் மனிதனுக்கு அழகு. பிறர் செய்யும் தவறுகளை மன்னித்து பாருங்கள்; மனமகிழ்ச்சி அடைவீர்கள். கடவுள் உங்கள் அனைவரையும் ஆசீர்வதித்து காப்பாராக ஆமேன்.

அன்புடன்,

பேரா‌. முனைவர். டேவிட் அருள் பரமானந்தம். 

சி‌.எஸ்‌.ஐ‌. தூய அந்திரேயர் ஆலய உறுப்பினர், செங்கல்பட்டு‌.