மாற்றத்தை உருவாக்கும் பெண்கள். WOMEN AS CHANGE MAKERS.(94)எண்: 27:1-11. திரு.பா.119: 57-64. திருத்தூதுவர் 16:11-15, லூக்கா : 1: 40-55.

முன்னுரை: கிறித்துவின் அன்பு நண்பர்களே! இறை

மைந்தன் இயேசுவின் நாம

த்தில் வாழ்த்துக்கள். மாற்றத்தை உருவாக்கும் பெண்கள் என்ற தலைப்பு மிக சிறப்பான சிந்திக்க வேண்டிய பொறுப்பான தலைப்பு.  உலகம் படைக்கப்பட்டதிலிருந்து மாற்றங்கள் தொடர்ந்துக் கொண்டே இருக்கின்றன. மாற்றங்கள் இல்லை என்றால் மறுமலர்ச்சிகள் இல்லை. மாற்றம் தவிர்க்க முடியாதது."மாற்றம் ஒன்றே மாறாதது” என்ற இந்த பொன்மொழியைச் சொன்னவர் ஹெராகிளிடஸ் (HERACLITUS) – என்ற கிரேக்க அறிஞர். எபேசு என்ற ஊரைச் சேர்ந்தவர். இவர் கிரேக்கத்தில் சொன்னதை ஆங்கிலத்தில் “மாற்றம் ஒன்றே மாறாதது ( Change is invariant). என கூறினார்.

வேதத்தில் ; கடவுள் ஒவ்வொன்றையும் அதனதன் காலத்தில் செம்மையாகச் செய்கிறார்; காலத்தைப் பற்றிய உணர்வை மனிதருக்குத் தந்திருக்கிறார். ஆயினும், கடவுள் தொடக்க முதல் இறுதிவரை செய்து வருவதைக் கண்டறிய மனிதரால் இயலாது. (சபை உரையாளர் (சங்கத் திருவுரை ஆகமம்) 3:11) என

அதனதன் காலத்தில் மாற்றத்தை கடவுள் கொண்டு வருகிறார். இது படைப்பிடன் தொடர். அவ்வாறே;

உலகத் தோற்றம் முதற் கொண்டு பெண்களுக்கு இழைக்கப்பட்டு வரும் அநீதிகள்,  கொடுமைகள் மிக அதிகம். என் கல்லூரி வாழ்வில் நான் மிகவும் நேசித்து படித்த புத்தகம்.

ராகுல் சாங்கிருத்யாயன் என்பவர்எழுதிய "வால்காவிலிருந்து கங்கைவரை" என்ற மானிடவியல் வரலாற்று புத்தகம். கி.மு 6000ல் துவங்கும் முதல் கதை, இருபதாவது கதையாக கி.பி. 1942ல் முடிகிறது. இந்த முதல் இரண்டு வரலாற்று கதைகளில் பெண்களே சமுக மற்றும் குடும்ப தலை

விகள்‌. ஆனால் மூன்றாவது

கதையில் பெண்ணின் தலைமை பிடுங்கப்பட்டு தந்தை வழிச் சமூகமாக மாறிவிடுகிறது. உலக தோற்றம் பெண்களை தலைமை இடத்தில் வைத்திருந்தது.ஆனால் ஆணாதிக்க சமுகதோற்றம் பெண்களை அடிமைப் படுத்திவருவது என்பது மிகவும் வருத்தமளிக்கிறது. சண்டைகள் போரா ட்டங்கள்,கலவரங்கள், தாக்குதல்கள் போன்றவற்றில் முதலில் பாதிக்கப்படுகின்றவர்கள் பெண்களும், குழந்தைகள் தான். நாம் இப் போது கேள்விப்படுகின்ற மணிப்பூர் தாக்குதல்கள் நம்மை மிகவும் வேதனை ப்படுத்துகிறது. ஐக்கிய நாடுகள் சபையின் மக்கள்தொகை நிதியம் (Population Fund) அண்மையில் வெளியிட்ட ஆய்வறிக்கையில். இந்தியாவில் கடந்த ஐம்பது ஆண்டு களில் 4 கோடியே 60 லட்சம் பெண்கள் காணவில்லை என்ற அதிர்ச்சிகரமான தகவல் குறிப்பிடப்பட்டுள்ளது.முதல் 2017 வரையிலான கணக்கின்படி இந்தி யாவில் ஒவ்வோர் ஆண்டும் சராசரியாக 4,60,000 பெண் குழந்தைகளைக் காணவில்லை என்ற அறிவிப்பு. இதில் சுமார் 3,00,000 குழந்தைகள் பெண்ணாகப் பிறந்ததற்காகவே காணாமல் போயிருக்கிறார்கள்.

மங்கையராய் பிறப்பதற்கே நல்ல மாதவம்  செய்திடல் வேண்டுமம்மா’  என்றாா் கவிமணி தேசிக விநாயகம் பிள்ளை.

ஆனால் உலகில் நடப்பது

மிகவும் வருத்தம் அளிக்கிறது. எனது ஆண்டவர் மேல் கூட கொஞ்சம் வருத் தம். ஏன் என் அன்பின் ஆண்டவரே! இவ்வுலகில் பெண்கள் வாழதகுதியற்ற வர்களா? என கேட்கிறேன். இப்படி பெண்களுக்கான அநீதி நிறைந்த உலகத்தில் தான் மாற்றத்தை கொண்டு வரும் சாதனை பெண்கள் பிறந்து இருக்கிறார்கள்.

1. பெண்களுக்கான முதல்

சொத்துரிமை சட்டம். The First Law of Inheritance to the Woman. எண். 27:1-11.

கிறித்துவின்  அன்பு நண்பர்களே!. 

 யோசேப்புப் புதல்வரான மனாசே குடும்பங்களைச் சார்ந்தவர் செலொபுகாத்து. இவர் மனாசேயின் மைந்தர் மாக்கிரின் புதல்வர் கிலியாதுக்குப் பிறந்த ஏபேரின் மகன், இவருக்கு மக்லா, நோகா, ஒக்லா, மில்கா, திர்சா என்ற ஐந்து புதல்வியர் இருந்தனர். (எண்ணிக்கை 27:1)

 ஆசரிப்புக் கூடாரவாசலிலே மோசேக்கும், ஆசிரியர்கள் மற்றும் சபையனைத்திற்கும் முன்பாக தைரிய மாக வந்து: எங்கள் தகப்பன் வனாந் தரத்தில் மரணமடைந்தார். எங்கள் தகப்பனுக்குக் குமாரன் இல்லாததி னால், அவருடைய பேர் அவருடைய வம்சத்தில் இல்லாமல் அற்றுப்போக லாமா? எங்கள் தகப்பனுடைய சகோதரருக்குள்ளே எங்களுக்குக் காணியாட்சி கொடுக்கவேண்டும் என்றார்கள். மோசே அவர்களுடைய நியாயத்தைக் கர்த்தருடைய சந்நிதியில் கொண்டு போனான்.தானே முடிவு எடுக்கவில்லை. அப்பொழுது கர்த்தர் மோசேயை நோக்கி: செலோப்பி யாத்தின் குமாரத்திகள்சொல்லுகிறது   சரிதான் அவர்களுக்கு அவர்கள் தகப்பனுடைய சகோதரருக்குள்ளே சுதந்தரம் கொடுக்க வேண்டும்.அவர்கள் தகப்பன் பின்வைத்த சுதந்தரத்தை அவர்களுக்குக் கிடைக்கும்படி செய்வாயாக. மேலும், நீ இஸ்ரவேல் புத்திரரை நோக்கி: ஒருவன் குமாரன் இல்லாமல் மரித்தால், அவனுக்குரிய சுதந்தரத்தை அவன் குமாரத்திக்குக் கொடுக்க வேண்டும். சகோதரிகள் சொல்வது சரி என்று கடவுளே சொல் கிறார். இதன் மூலம் பெண்களுக்காக முதல் வாரிசு உரிமையை கடவுள் கொடுக்கிறார்.The First Women's Inheritance Rights were given by God. கடவுள் பெண்களுக்கு உரிமை களைகொடுக்கிறார்.ஆனால் மனிதன் அதை பறிக்கிறான்.செலோப்பியாத்தின் பெண்கள் தங்களின் உரிமைக்காக போராடினார்கள். உலகில் நம் உரிமைக ளை பெற போராடவேண்டும். போராட வில்லை எனில் புதுயுகம் இல்லை. உலகில் போராட்டத்தினால் தான்

பல உரிமைகள் கிடைத்திருக்கிறது.

2. ஏவாள்:உலக மக்களின் தாய்: Eve; the Mother of the World . தொடக்.நூல்: 2: 20-25, 

மாற்றத்தை உருவாக்கிய பெண்களில் உலக மக்களின் தாயாக கருதப்படும்

ஏவாள்; மனிதன் தனிமையாய் இருப்பது நல்லதல்ல என்ற எண்ணத்திற்கு மாற் றாக கடவுளின் மனதில் ஏற்பட்ட மாற்றத் தின் நிறைவாக இருந்தவர்.ஏதேன் தோட்டத்தில் மாற்றத்தைக் கொண்டு வந்தவர்.முதன் முதலில் ஆணின் தனிமையை போக்கியவர். கடவுள் ஆதாமை தன் சாயலில் படைத்தார். ஆனால்தன்னை போலவே அவனை இருக்க விரும்பவில்லை. அதாவது பிறப்பு, இறப்பு, பகல்,  இரவு, இன்பம்,   துன்பம் போன்ற  உலக வாழ்வில் தொடர்பு டைய அனைத்தையும் கடந்து நிற்கும் ஏகாந்த நிலையே (தனிமை நிலை) கடவுளின் தன்மை. எனவை

மற்ற உயிரினங்களை போல மனிதன் பலுகிபெறுக விரும்பினார்.அதனாள் ஏவாளை படைத்தார். உலகிலும், உயிரினங்களிலும் மாற்றங்களை முதலில் ஏற்படுத்தியவர் ஏவாள்.

பாவம் செய்த பின்பு அவர்கள் கடவுளைப் போல நன்மை தீமை அறியத்தக் கவர்களாய் மாறினார்கள் என்று கடவுள் அறிவிக்கிறார். ஏவாள் மூலம் ஏற்பட்ட மாற்றங்கள் இன்று வரை உலகில் தொடர்கிறது. கடவுள் மாற்றங்களை இந்த உலகில் ஏற்படுத்த பெண்ணை உண்டாக்கினார். இன்றும் சமுதாயத்திலும், சபையிலும் மாற்றங் களை ஏற்படுத்தும் சீரிய பாத்திரமாக பெண்களை கடவுள் பயன்படுத்தி வருகிறர். பெண்கள் இல்லை எனில்

உலகம் அழிந்து விடும். எனவே தான் In every Woman, there is a Man. In every She, there is a He. In every Female, there is a Male.ஆண் பெண் இருவரும் பிரிக்க முடியாத வர்கள். 

3. ஞானமுள்ள பெண்கள் தம் இல்லத்தைக் கட்டி யெழுப்புகின்றனர்;  The wise women build their house:

1சாமுவேல் 25:10-35. கிறிஸ்துவின் அன்பர்களே!

 கர்மேலில் சொத்துக்களை உடைய ஒருவன் மாவோனி ல் இருந்தான். அம் மனிதன் செல்வம் மிக்கவன். குடி காரன். இவன் பெயர் நாபால். அவனுக்கு 3000 ஆடுகளும் 1000 வெள்ளாடு களும் இருந்தன. அவன் கர்மேலில் தன் ஆடுகளுக்கு உரோமம் கத்தரித்துக் கொண்டிருந்தான். இவன் மனைவி அபிகாயில் அழகான பெண்... புத்தி கூர்மையான பெண்.... ( 1 சாமுவேல்:25:3)

இவள் கணவன் நாபால் ஒரு  முரடன் . 24 மணி நேரமும் மதுவுக்கு அடிமை யானவன். (1 சாமுவேல் 25:3)

கெட்ட வார்த்த பேசுபவன். இவனிடம் பேசி வெல்வது கடினம். இப்படிபட்டவனிடம் குடும்பம் நடத்தும் அபிகாயிலின் குடும்ப வாழ்க்கை சந்தோஷமாக இருக்குமா......அந்த கால த்தில் தாவீது  அவன் நண்பர்களும் சவுலுக்கு ( இஸ்ரவேல் அரசன்) பயந்து  மறைந்திருந்தனர். அதே இடத்தில் தான் நாபாலின் வேலையாட்கள் ஆடு மேய்தனர். ஆடு மேய்பவர் களுக்கு தாவீதும் நண்பர்க ளும் உதவி செய்தனர். இது நாபாலுக்கே தெரியும். தாவீதும் அவன் நண்பர் களும் வேட்டையிலும், யுத்தத்திலும் சிறந்தவர்கள் என்பதால் நாபாலின் ஆடுகள் ஒன்று கூட காணாமல் போகவில்லை. ஒருநாள் நாபால் தனது மந்தையை பார்க்க வந்ததை அறிந்த தாவீது தனது நண்பர்கள் 10 பேரை அனுப்பி நாபாலை நலம் விசாரித்து, அவன் கொடுப் பதை வாங்கி வர அனுப்பி னான்.அந்த10 வாலிபர்க ளும் நாபாலை சந்தித்து வாழ்தினர். உங்கள் ஆடுக ளை நாங்கள் மேய்தோம். நீங்கள் எங்களுக்கு உதவ வேண்டும் என்று கேட்டனர். ஆனால் நாபாலோ உங்க ளை எனக்கு தெரியாது. எவன் அவன் தாவீது...? ஓடிவிடுங்கள் என்று தவறன வார்த்தைகளை கூறி துரத்தினான். 

நடந்ததை தாவீதிடம் கூறினார்கள்.... கோபத்தின் உச்சிக்கே சென்றான் தாவீது.ஆயுதத்தை தயாராக வைத்துக் கொள்ளுங்கள். விடிவதர்குள் அவனது எல்லாவற்றையும் அழிக்க வேண்டும் சுவற்றில் நீர் விடும் நாயை கூட விட்டு வைக்க கூடாது என்று தனது வீரர்களுக்கு ( நண்பர்கள்) கட்டளை கொடுத்தான். 400 பேர் உடனே புறப்பட்டனர். தாவீதும் உடன் சென்றான்.

இப்படி தாவீது கொலை வெறியோடு வருவதை தனது வேலைகாரன் ஒரு வன் மூலமாக கேள்விபட்ட  மனைவி அபிகாயில் அவளே தன் குடும்பத்தின் மீது வர இருக்கும் அழிவை தடுக்க புறப்பட்டாள். அவளது கணவனின் முரட்டு தனத்தால் வர இருந்த ஆபத் தை தன் புத்தி கூர்மையால் தடுத்து நிறுத்தபுறப்பட்டாள். புத்தியுள்ள பெண் தன் வீட் டை கட்டுகிறாள்.

தாவீதுக்கும் அவன் வீரர்க ளுக்கும் 200 அப்பங்களை யும், 2 துருத்தி திராச்சை ரசத்தையும், சமையல் செய்த 5 ஆடுகளையும், 5 படி வறுத்த பயிர்களையும், வற்றலாக்கப்பட்ட 100 திராட்சை குலைகளையும், 200 அத்திபழஅடைகளையும் கழுதையின் மேல் ஏற்றி தாவீதை தடுத்து நிறுத்த கிளம்பினாள். 

தாவீதை பார்த்ததும் அவன் முன் முகம் குப்புற விழுந்து வணங்கி, என் ஆண்டவனே, என் கணவன் நாபால். அவர் உமக்கு சேரவேண்டிய பங்கை கொடுக்கவில்லை. நான் இப்போது கொண்டு வந்துள்ளேன். தயவு செய்து ஏற்றுக்கொள்ளுங்கள். என் கணவரை நீங்கள் கொன் றால் உங்கள் வீரத்துக்கு அழகே இல்லாமலே போகு ம். அவர் ஒரு குடிகாரர். அவ ரின் மதியினத்தால் தவறு நடந்துவிட்டது. அவரை கொன்றுவிட்டால் பிற்கால த்தில் நீங்களே வருத்த படுவீர்கள். நாளை நீங்கள் அரசன் ஆக போகிறவர்கள். இந்த குடிகாரனை கொல்ல 400 பேருடன் வந்தீர் என்று மக்கள் அறிந்தால் உம் அரச பதவிக்கே அவமானம். இந்த உணவை நீங்களும் உங்கள் நண்பர்களுக்கும் கொடுத்து முதலில் பசியை ஆற்றிவிடு ங்கள். என்று தன்னை தாழ்த்தி தன் கணவன் தவறை தன் தவறாக ஏற்றுக்கொண்டு மன்னிப்பு கேட்டாள். அதுமட்டும் அல்ல தாவீதை ஆசீர்வதித்தாள். கடவுள் கண்டிப்பாக உம்மை அரசரா க்குவார். சவுல் அரசன் உம்மை துரத்தினா லும் ஒருநாள் கடவுள் சவுலை துரத்தி உம்மை அரசனாக்குவார். அன்பின் இறை மக்களே! கொஞ்சும் 

யோசித்து பாருங்கள். தன் கணவனை கொல்ல வரும் ஒருவனை அழிக்க ஆள் அனுப்பாமல், கணவன் செய்தது தான் நியாயம் என்று பிரச்சனையை வளர்காமல், புத்திசாலி தன மாக பிரச்சனையை தீர்க்க முற்பட்டாள் அபிகாயில். இது தான் ஒரு நல்ல மனை வியின் அழகு. அவளது தாழ்மை அவள் தாவீதோடு பேசியவிதம் நாம் வேதத்தை படிக்கும் போது மெய்சிலுக்க வைக்கிறது. 

அவள் தன் கணவனுக்காக நடந்து கொண்ட விதத்தை பார்த்த தாவீது அவள் கண வனை மன்னித்தது மட்டு மல்ல, அவளையும் ஆசீர்வதி த்து அபிகாயில் என்னை சந்திக்க வைத்த இஸ்ர வேலின் தேவனுக்கு நன்றி என்று தேவனை புகழ்ந் தான். தேவையற்ற இரத்த பழிக்கு என்னை ஆளாக் காத அபிகாயிலே! தேவன் உன்னை ஆசீர்வதிப்பாராக என்று தாவீது ஆசீர்வதித் தான். தன் படையோடு திரும்ப சென்றான்.

இதை எல்லாம் முடித்து அவள் வீட்டுக்கு வந்தபோது நாபால் அரச விருந்துக்கு ஏற்ற பெரிய விருந்தை தன் வீட்டில் செய்து வேலை காரர்கள் மற்றும் உறவினர் களோடு குடித்து வெறித்து இருந்தான். அவளோ அவன் போதை தெளியும் வரை பொறுமையோடு காத்திருந் தாள்.அடுத்த நாள் அவன் போதை தெளிந்த போது நடந்ததை அவனிடம் விவரித்தாள்.  உடனே அவன் பயந்து அவன் இதயம் வலி ஏற்பட்டு பத்து நாளில் மரித்து போனான். 

அபிகாயில் கணவனை இழந்த செய்தியை தாவீது கேள்விபட்டான். அவள் மனம் துக்கத்தால் இருப் பதை அறிந்தான் தாவீது. அவளின் நற்குணங்களால் கவரப்பட்ட தாவீது,  அவளி ன் விருப்பப்படி திருமணம் செய்து கொண்டான்.  தாவீதும் அரசன் ஆனான். அபிகாயில் மகாராணியா னாள்.அபிகாயில் ஒரு புத்தியுள்ள பெண். தன் வேலைகாரன் சொல்வதை கேட்டு உடனே கணவனை கொல்ல வரும் தாவீதை தன் புத்திகூர்மையால்  தடுத்தது மட்டும்மல்ல குடி போதை யில் இருக்கும் கணவனிடம் சொல்லாமல் காத்திருந்து போதை தெளிந்த பின்பு நடந்ததை கூறினாள். இதனால் தான் புத்தியுள்ள பெண் என்று புகழப்பட்டாள். கொலை செய்ய வந்த தாவீதையே திருப்பி அனுப்பியவள் இவள். அவளது நிதானம் ஒரு பெரிய பிரச்சனையை தீர்த்தது. கணவனின் குற்றத்தை தனது குற்றமாக அபிகாயில் ஏற்றது போல, நம் குற்றத்தை தனது குற்ற மாக ஏற்று சிலுவையில் நமக்காக மரித்த இயேசு வின் பிள்ளைகளாக இருக் கும் நாம் மற்றவர்களின் தவறை பொறுமையோடு மன்னித்து, நடக்க இருக்கும் ஆபத்திலிருந்து தப்பித்து கொள்வோம்.

(நீதிமொழிகள் 12: 4)

குணசாலியான ஸ்திரீ தன் புருஷனுக்குக் கிரீடமாயிரு க்கிறாள்; என்று பைபிள் கூறுகிறது. 

3. இயேசுவின் தாய் மரியாள்: கருவறையிலி ருந்து கல்லறை வறை.

Mary the Mother of Jesus from

(the) Cradle to the Grave. லூக்கா 1:40-55.

 கிறிஸ்துவின் அன்பர்களே! மாற்றத்தை உருவாக்கும் பெண்களில் ஆண்டவரின் தாய் மரியாள் முதலிடம் பெறுகிறார். உருவமற்ற இறைவன் மரியாவின் கருப்பையில் மனித உடலெடுத்ததால், இவர் இறைவனின் தாய் என்று அழைக்கப்படுகிறார். தாவீது குலத்தைச் சேர்ந்த 

யோசேப் இவரது கணவரா வார்.வேதத்தில் வம்சவாளி

கள் பட்டியலில் மரியாளின் பெயர் மட்டுமே குறிப்பிடப் பட்டிருக்கிறது. உதாரணம் (மத்தேயு 1:1-16.)

மரியாளின் தாழ்மையை கடவுள் நோக்கினார் என்றும் அதனால் கடவுள் அவளைப் பெருமைப் படுத்தும் விதமாக எல்லா சந்ததிகளும் அவளை பாக்கியவதி என்பார்கள். இயேசுவை கருவில் 10 மாதங்கள் சுமக்கும் பேறு பெற்றவள் (Blessed One) மரியாள் கடவுளின் மனித அவதாரத்தை பெற்றெடுக்

கும் வாய்பை பெற்றார்.

மரியாள் இயேசுவின் மூலம் இரட்சிக்கப்படுகிற ஒவ்வொ ருவருக்கும் தாயாகிறாள்.

மோசேயின் சட்டத்தின்படி எட்டாம் நாளில் இயேசு வுக்கு விருத்தசேதனம் (Curcumcision) செய்தார்கள்.

நாற்பதாவது நாளில் குழந்

தை ஏசுவை நியாபிரமானத் தின்படி "தலைப்பேறு அனைத்தையும் எனக்கு அர்ப்பணம் செய்; ........ எல்லாத் தலைப்பேறும் எனக்குரியவை" என்றார். 

(விடுதலைப் பயணம் 13:2)

மரியாளும் யோசேப்பும் அச்சட்டத்தில் கூறியுள்ள வாறு ஒருசோடி மாடப்புறாக் கள் அல்லது இரு புறாக் குஞ்சுகளை அவர்கள் பலி யாகக் கொடுக்க வேண்டியி ருந்தது. (லூக்கா 2:24)

இது ஏழைகளுக்குறிய காணிக்கை.( லேவி12:8) இதன்பிறகு ஏரோதின் சதியிலிருந்து இயேசுவைக் காப்பாற்றுவதற்காக, மரியாவும் யோசேப்பும் அவரை எகிப்துக்கு தூக்கிச் சென்றதை காண்கிறோம். பெத்தலகம், எகிப்து இடையே  உள்ள தூரம் 690.64 கி.மி..(It's an equivalent distance between Chennai and Koodankulam).நாம்நினைத்து பார்க்கவேண்டும். எவ்வளவு கடினமான பயணம். ஆண்ட வரை காப்பாற்ற மரியாளும் யோசேப்பும் எடுத்துக் கொண்ட நடை பயணம். அடுத்ததாக பன்னிரு வயது சிறுவனான இயேசுவை அழைத்துக் கொண்டு, மரியாவும் யோசேப்பும் எருசலேம் கோவிலுக்கு பாஸ்கா விழா கொண்டாடச் சென்றதையும், கோவிலில் தங்கிவிட்ட இயேசுவைத் தேடி மரியாவும் யோசேப்பும் மூன்று நாட்கள் அலைந்து திரிந்ததையும் நற்செய்தியா ளர் லூக்கா பதிவு செய்கி றார். பின்பு இயேசு அவர் களுடன் சென்று நாசரேத் தை அடைந்து அவர்களுக் குப் பணிந்து நடந்தார். இயேசுவின் இரட்சிப்பை பெற்றவர்கள் அவருடைய தாயை நினைவுகூருகிறார் கள். பிதாவின் சித்தத்தை செய்கிற ஒவ்வொருவரும் இயேசுவுக்கு தாயாகவும் இருக்கிறார்கள் (மத்தே 12:50) இயேசுவை சுமக்கிற ஒவ்வொருவரும் பேரு பெற்றோர். அதன் முதல் பாக்கியத்தை மரியாள் பெற்றாள். 

5.விருந்தோம்பளில் லீதியா: Lydia; the Woman of Hospitality:

திரு. தூதுவர் 16:11-15,    தியத்திரா, லீதியா ஆகிய பகுதிகள் யூதக் காலனி களாய் இருந்தன. இது சின் னாசிய பகுதியின் அங்க மானது. (At present these territories are in Turkey- which bridges both the Continents of Europe and Asia) லீதியா என்பது ஒரு பட்டணம். இங்குள்ள லீதியர்கள் இரத்தாம்பரம் விற்பனை யில் முன்னோடிகள் இங்கு மக்கதோனியர்களும் குடியிருந்தார்கள்.பவுலடிகளாரும் மற்றவர்களும்( சீலாஸ், லூக்கா) ஜெபிக்கச் சென்றபோது அங்கு பெண் கள் கூடினார்கள். அவர் களில் லீதியாவும் ஒருவர். இக்கூட்டத்தைக் கண்டதும் பவுலடிகளார் அவர்களுக்கு நற்செய்தியை அறிவித்தார். பவுலடிகளாரின் செய்தி யைக் கேட்ட லீதியா மன மாற்றம்அடைந்தாள்.அவளும் அவள் குடும்பத்தினரும் திருமுழுக்குப் பெற்றனர். லீதியா பவுலடிகளாரையும் அவருடன் இருந்தவர்களை யும் தங்கள் வீட்டில் தங்க வற்புறுத்தி உணவளித் தாள். ஐரோப்பாவின் முதல் பெண் விசுவாசி. இவளிடம்  காணப்பட்ட மிக முக்கிய குணாதிசயங்கள்; அவள் ஆண்டவருடைய செய்தியை உற்சாகத்தோடு கேட்டாள், மனம் மாறினால்,  தன் குடும்பத்தோடு இயேசு கிறிஸ்துவை ஏற்றுக் கொண்டாள், திருமுழுக்கு பெற்றாள். மற்றும் பவுல் அடிகளார்க்கு விருந்தோம் பல் செய்தார். பிலிப்பி பட்டணத்தில் ஆலயம் கட்ட உதவினாள். இத்தகைய மாற்றத்தை திருச்சபை வளர்ச்சிக்கு உதவிய லீதியாள்  மாற்றத்தை உருவாக்கும் மாபெறும் 

பெண்மணியாவாள்.

முடிவுரை:   கிறிஸ்துவின் அண்பர்களே!பெண்களின் மூலம் ஏற்படும் மாற்றம் அவர்களில் முதலில் தான் யாருக்கும் தாழ்ந்தவர் களல்ல  என்ற மனமாற்றம் எற்படவும், அவர்கள் மூலம் சபைக்கும்,சமூகத்திற்கும்,நாட்டிற்கும் நல் மாற்றங்கள் உருவாகும் கருவிகளாகவும், புதுமை பெண்களாக செயல் பட வேண்டுகிறேன். ஆண்டவரே! மாற்றங்களை இந்த உலகில் ஏற்படுத்த நீர் பெண்களை உண்டாக்கி னிர். இவர்களின் வாழ்வா தாரம், பாதுகாப்பு, வளர்ச்சி, போன்றவற்றில் உம்முடைய கரம் இருந்து காத்துக் கொள்ள கிருபை செய்தரு ளும்,  திருச்சபையில் உரிய மதிப்பு மரியாதையை பெண்களுக்கு கிடைக்க நீர் உதவி புரியும். பெண்கள் திருச்சபையின் கண்களாக நாங்கள் பாவிக்க எங்களு க்கு அருள் புரியவும். இவ்வுலகில் உம்முடைய ஊழியங்களை தங்களின் பொருளாலும், உணவாலும் கொடுத்து பாதுகாத்தவர்கள் பெண்களே. இன்றளவும் ஆலயத்திற்கு அதிகமாக வருகின்றவர்கள் பெண் களே. அவர்கள் அளிக்கும் காணிக்கைகளே அதிகம். எனவே அன்பின் ஆண்ட வரே இப் பெண்களின் ஊழியத்தை ஆசிர்வதித்து காத்துக் கொள்ளும். ஆமென்.

 Prof. Dr. David Arul Paramanandam. Sermon Writer. 

www. davidarul blogs com. www. David Arul Sermon Centre. Com.

* The Message is prepared to deliver at CSI.St.Peter's Church.Chengalpet on 20/8/2023.

  . 

மரியாள்
குழந்தை இயேசுவுடன் மரியாள் (ஓவியர்: ராபர்ட் ஃபெருசி)